روندا ف ربعة

القواعد

• ربعة ديال اللاعبين، جوج ضد جوج، والشريك ديالك قدامك. الكارطة اللي كلاو الشركاء والنقط ديالهم كيتجمعو.
• الكارطة الإسبانية ديال 40 ورقة: من 1 حتى 7، والصوطا (10) والعود (11) والري (12). الترتيب ديال التسلسل: 1، 2، 3، 4، 5، 6، 7، 10، 11، 12.
• التوزيع العادي: 4 ورقات لكل واحد والطابلة خاوية، من بعد جوج توزيعات ديال 3 ورقات. (ف الإعدادات: 3 ورقات و4 ف الطابلة.) اللي على يمين الموزع كيبدا، والتوزيع كيدور لليمين كل طرح.
• إلا ورقتك كتشبه شي ورقة ف الطابلة، كتاكلها وكتاكل معاها اللي تابعينها ف التسلسل حتى لأول ورقة ناقصة. إلا ما كتشبه والو، كتبقى ف الطابلة.
• بوحد (ضربة): كليتي الورقة اللي لعب اللي قبل منك = 1. إلا اللي موراك عندو الورقة التالتة من نفس النمرة كيدير بخمسة = 5 وكياخد الورق ديال الضربة، والرابع بعشرة = 10.
• ميسة: إلا خويتي الطابلة = 1، من غير الورقة اللخرة ديال الطرح (ولكن البوحد ديالها كيتحسب).
• روندا (جوج كيف كيف ف يدك) = 1، ترينكا (تلاتة) = 5. ف الأربع ورقات: جوج روندات ولا ربعة كيف كيف = 2. إلا كانو عند الجوج فرق، اللي عندو أحسن وحدة كياخد كلشي (الترينكا فوق الروندا، والري كبير)، وفالتعادل كيتقسمو.
• ف اللخر ديال الطرح، الورق اللي بقا ف الطابلة كيمشي للفرقة اللي كلات اللخرة، وكل فرقة عندها أكثر من 20 ورقة كتاخد نقطة على كل ورقة زايدة.
• اللولين يوصلو 41 (ولا 21 / 25) ربحو، حتى ف وسط التوزيعة.