التوتي

القواعد

• ربعة ديال اللاعبين، جوج ضد جوج، والشريك ديالك قدامك.
• كل واحد كياخد 10 ديال الورق. اللي على يمين الموزع كيبدا المزايدة: من 70 حتى 230، كل مرة كتزيد 10. اللي باص كيخرج من المزايدة.
• اللي ربح المزايدة كيختار الطرنفو، واللي على يمين الموزع كيلعب الورقة اللولة.
• خاصك تتبع اللون وتغلب أكبر ورقة ف الطابلة إلا قدرتي. إلا ما عندكش اللون، خاصك تقطع بالطرنفو، وتعلى على اللي قطع قبل منك إلا قدرتي.
• الترتيب من الفوق: الآس، التلاتة، الري، العود، الصوطا، 7، 6، 5، 4، 2.
• النقط: الآس 11، التلاتة 10، الري 4، العود 3، الصوطا 2. اللي داها اللخرة كياخد 10 زايدين.
• الغنا: الري والعود من نفس اللون ف يدك = 20، و40 إلا كانو طرنفو. كتغني غير من بعد ما فرقتك تاكل، وغير الفرقة اللي شرات. خاص المزايدة توصل 80 للغنا العادي و90 لغنا الطرنفو.
• إلا جمعات الفرقة اللي شرات النقط اللي قالت (الورق + اللخرة + الغنا) كتاخد داكشي اللي قالت، وإلا كياخدوه الخصوم. اللولين يوصلو 600 ربحو.